Тұмау

Тұмау – тыныс алу жүйесін зақымдайтын, аурудың ауыр ағымы мен асқынулары мүмкін жіті респираторлық вирусты жұқпалы ауру. Тұмау вирустары халық арасында үнемі таралып, жыл сайын күз-қыс айларында аурушаңдықтың артуына себепші болады. Вакцинация – тұмау мен оның асқынуларының алдын алудың тиімді әдісі.
Келесі контингент вакцинациялауға жатады:
1. медицина қызметкерлері;
2. диспансерлік есепте тұрған балалар;
3. алты айдан асқан жиі ауыратын балалар;
4. жетім балалар мен ата-анасының қамқорлығынсыз қалған балаларға, балалар үйлеріне арналған білім беру ұйымдарының балалары;
5. медициналық-әлеуметтік мекемелерден көрсетілетін қызметті алушылар (мүгедектер мен қарттар үйлерінің контингенті);
6. жүктіліктің 2-3 триместріндегі жүкті әйелдер;
7. созылмалы аурулары бар ересектер,
8. эпидемиологиялық көрсеткіштер бойынша (халықтың көп бөлігімен жиі байланыста болатын адамдар және т.б.).