Қостанай облысы әкімдігі денсаулық сақтау басқармасының «Қостанай қаласының № 4 емханасы» КМК туралы ақпарат
«Қостанай қаласының № 4 емханасы» КМК 2011 жылдың наурыз айында Қостанай облысында жаңа денсаулық сақтау нысаны ретінде ашылды. Емхана «100 мектеп, 100 аурухана» Жол картасы аясында салынған. 2010 жылғы 29 желтоқсанда пайдалануға берілді. Қостанай қаласының тұрғындары тағы бір емдеу-алдын алу объектісінің жаңа жайлы корпусын алды. Жобаның құны 1801053,000 мың теңге. Жабдықтың құны 593700000,0 теңге. Қызмет көрсетілетін аумақ: Қостанай қаласының оңтүстік бөлігі, учаскелердің ұзындығы 20 км, ғимараттың ауданы 10058,4 м. ш. қызметкерлердің саны 438 адам. Тіркелген халықтың саны – 62434, соның ішінде ересек халық: 46992 адам; жасөспірімдер: 2082 адам; балалар: 13360 адам.
«Қостанай қаласының № 4 емханасы» КМК-да екі тіркеу орны жұмыс жасайды:
- Балалар үшін тіркеу орны
- Ересектер үшін тіркеу орны
- Жүктілер
- 70-тен асқандар
- Мамандандырылған көмек
- Учаскелік қызмет
Тіркеу орнының жұмысының негізгі қағидаты халықтың ағымын емдеу, консультациялық және диагностикалық қызметтерге бөлу, пациенттерді тіркеу және халықты емхананың жұмысы туралы уақтылы хабардар ету болып табылады.
Тіркеушілер дәрігерге жазылу, тікелей жүгінген кезде өзін-өзі жазу және телефон арқылы алдын ала жазылуды қамтамасыз етеді. Науқастың ыңғайлылығы үшін веб-сайт құрылды: www.policlinik4.kz
Өзін-өзі жазу DAMUMED мобильді қосымшасы немесе негізгі залдағы терминал арқылы жүзеге асырылады.
Тіркеу бөлімі 52-40-20 нөмірі бойынша көп арналы телефон байланысымен жабдықталған. Жұмыс уақыты 07.30-дан 20.00-ге дейін.
Пациенттерді мамандарға қабылдауды сырғанау кестесі бойынша сағат 07.30-дан 20.00-ге дейін жазу уақытына сәйкес қатаң тәртіппен ұйымдастырады.
Тіркеуші тіркелген халықтың тіркелімін қалыптастырады, тіркеме болмаған кезде белгіленген тәртіппен бекіту рәсімін жүргізеді.
Егде жастағы адамдармен, мүгедектермен жұмыс істеу үшін тіркеуші қызметкерлердің ішінен жауапты адам анықталады, ол себебін нақтылайды және оларға одан әрі қызмет көрсету жөнінде шаралар қабылдайды. Мүгедектер арбалары үнемі қол жетімді.
Учаскелік қызметте 24 учаскесі бар 2 терапевттік бөлімшеден тұрады. Бөлімшеде 9 учаскелік жалпы практика дәрігері, 3 терапевт, 1 сарапшы дәрігер, 45 медбике, 5 әлеуметтік қызметкер және 2 психолог жұмыс істейді.
Терапия бөлімшесінің негізгі қызметі: емдеу-профилактикалық жұмыс. Ол емханада науқастарды қабылдау және үйде тексеру арқылы жүзеге асырылады (2015 жылы емханада – 235088, үйде 14086). Науқастарды емдеу амбулаториялық және стационарды алмастыратын көмек көрсетумен жүргізіледі (стационар және үйдегі стационар) 2015 жылы күндізгі стационарда – 4806 адам емделді және үйде 506 стационар ұйымдастырылды. Емхана деңгейінде диагностика және емдеу әдістері жеткіліксіз болған кезде, науқастар қалалық және облыстық ауруханаларға (олармен тығыз сабақтастық жолға қойылған), республикалық деңгейде жоғары мамандандырылған медициналық көмек көрсету медициналық ұйымдарға жолданады. 2015 жыл ішінде жоғары мамандандырылған көмек облыс аумағынан 224 адамға, оның ішінде 98 балаға берілді.
Дәрігерлер күн сайын науқастардың еңбекке жарамсыздығына сараптама жүргізеді, қажеттілігі бойынша – мүгедектікке ресімдейді, кейіннен оңалтудың жеке жоспарын, сондай –ақ мүгедектерге сауықтыру бойынша жұмыстарын жүргізеді.
Бөлімшенің дәрігерлері мен медбикелері есепте тұрған адамдарға диспансерлік бақылау жүргізеді. Жүректің ишемиялық, артериялық гипертензия, созылмалы жүрек жеткіліксіздігі, созылмалы обструктивті ауру, асқазан жарасы және пневмония ауруларымен есепте тұрған науқастарға амбулаториялық деңгейде тегін медициналық көмектің кепілдік берілген көлемі шеңберінде рецептер беріледі.
Учаскелік қызметте жұқпалы аурулардың таралуын болдырмауға үлкен рөл беріледі. Учаскелердегі ақпараттық ошақтарына бақылау жүргізіледі, вакцинация жоспары, туберкулездің алдын алу жөніндегі шаралар, тәуекел тобындағы адамдарды тексеру орындалады. Дене қызуы жоғары және жұқпалы ауруға күдікті барлық науқастар, арнайы оқшауланған блокта тексеріледі.
Профилактикалық жұмыстың маңызды орны скрининг жүргізуге беріледі, яғни белгілі бір патологияны ерте кезеңде анықтауға бағытталған мақсатты медициналық тексерулер.
Терапия бөлімнің жұмысына жүкті әйелдердің жағдайын бақылау кіреді. Ай сайын біз әйелдер кеңесінде есепке алынған жүкті әйелдердің тізімін аламыз. ЖРВИ таралуы кезінде үйде патронаж жүргізу кезінде олардың әл-ауқатына күн сайын бақылау жүргізілді.
Бөлімшенің дәрігерлері мен медбикелері халықты өз денсаулығын қорғау процесіне тарту және ортақ жауапкершілікті арттыру мақсатында халықтың салауатты мінез-құлық үлгісін қалыптастыру үшін үздіксіз санитарлық-ағарту жұмыстарын (әңгімелер, дәрістер, денсаулық мектептері) жүргізеді.
Бөлімшеде салауатты мінез-құлық уәждемесін арттыру үшін медбикелік қабылдауды енгізу және халық арасында медбикенің рөлін арттыру мақсатында мейірбике персоналының біліктілігін арттыру бойынша жұмыс жүргізіледі.
Әлеуметтік қызметкерлер мүгедектер мен қарт адамдарға үйде көмек көрсетуге белгілі бір үлес қосады.
Қазіргі уақытта 9 денсаулық мектебі жұмыс істейді: Бронх демікпесі мектебі, Қанайналым жүйесі аурулары мектебі, Отбасын жоспарлау мектебі, Дені сау бала мектебі, Жас ана мектебі, Босануға дайындық мектебі, Қарттар мектебі «Ақыл жас», Қант диабеті мектебі, Мінез-құлық факторлары мектебі.
«Қостанай қаласының № 4 емханасы» КМК ақылы қызмет көрсетеді. Сіз прейскуратпен мына жерден таныса аласыз.
