ҚР Денсаулық сақтау министрлігі: Негізінен вакцина алмаған қазақстандықтар ауру жұқтыру және өлім қаупіне ұшырайды
Қазақстанда ағымдағы жылдың 1 ақпаны мен 31 шілдесі аралығында 405603 адам коронавирустық инфекциямен ауырды, оның ішінде КВИ-дан – 4969 адам қайтыс болды , оның ішінде вакцина алмағандар саны - 4854, вакцина алғандар саны - 115.
ҚР Денсаулық сақтау министрлігі жүргізген вакцинациялаудың тиімділігін бағалау бойынша, ауырғандардың басым бөлігі вакцинацияланбаған азаматтарға (99,9%)жататыны анықталды, бұл ретте вакцинациядан кейінгі ауырғандардың үлесі бар болғаны 0,1% - ды құрады.
Егер вакцинацияның толық курсын 4 382 869 қазақстандық алса, оның ішінде 5499 адам КВИ-мен ауырған.
Ақпараттық жүйелерді талдау көрсеткендей, COVID-19-дан қайтыс болғандардың арасында вакцинация алмағандар үлесі 97,7% - ды құрайды, ал вакцина алғандарға 2,3% (115 адам) келеді, бұл ретте олардың анамнезінде бірқатар созылмалы аурулар болған.
Осылайша, КВИ-дан вакцинацияланған қайтыс болғандарға пайыз түрінде 2021 жылғы ақпан-шілде аралығында 2 компонентпен вакцинацияланған барлық халық санының 0,003% (115 адам) келеді.
Жоғарыда баяндалғанның негізінде, қазіргі уақытта денсаулық сақтау министрлігі вакцинацияланған адамдардың барлық 115 өлімінің себептерін зерттеу бойынша вакцинацияның, аурудың және өлімнің себеп-салдарлық байланысын анықтау үшін іс-шаралар жүргізіп жатқанын хабарлаймыз.
Сонымен қатар, олардың арасында вакцинация паспорттарын сатып алу фактісін дәлелдеу немесе жоққа шығару мүмкін емес.
Ақпараттық жүйелерден алынған деректерді талдау қорытындылары бойынша ақпарат жұртшылық пен БАҚ-қа қосымша жеткізілетін болады.
Дереккөз – Қазақстан Республикасы Денсаулық сақтау министрлігі
