ҚР ДЕНСАУЛЫҚ САҚТАУ МИНИСТРЛІГІНІҢ БАСШЫСЫ ЭПИДЕМИОЛОГИЯЛЫҚ АХУАЛДЫ ДАМЫТУДЫҢ ҮШ СЦЕНАРИЙІН ҰСЫНДЫ

Бүгін Үкімет отырысында Денсаулық сақтау министрі Алексей Цой елдегі эпидемиологиялық ахуалды дамытудың үш сценарийін ұсынды.

«Вакцинациялаудың тиімділігі 60%-дан кем болмайтын пессимистік сценарий кезінде 2021 жылғы маусым-қыркүйек айларында тіркелген жағдайлардың саны 95 мыңға жуық адамды құрайды (орташа есеппен маусым айында 1,5 мыңнан тәулігіне қыркүйекте 500 жағдайға дейін», - деді А. Цой.

Екінші реалистік сценарий бойынша, вакцинацияның тиімділігі 80%-дан кем емес, 2021 жылдың маусым-қыркүйек айларында тіркелген жағдайлардың болжамды саны шамамен 69 мың адамды құрайды (орташа есеппен маусым айында 1,3 мыңнан қыркүйек айында 200 жағдайға дейін), - деп жалғастырды ол.

Министрдің айтуынша, вакцинацияның тиімділігі 95% – дан кем емес болған кезде, 2021 жылдың маусым-қыркүйек айларында тіркелген жағдайлардың саны шамамен 61 мың адамды құрайды (орташа есеппен маусым айында 1,25 мыңнан қыркүйек айында тәулігіне 100 жағдайға дейін).

Бұл ретте, қандай да бір сценарийдің іске асырылуы азаматтардың вакцинация мәселесіндегі белсенділігіне тікелей байланысты болатынын атап өткен жөн.

Вирустың жаңа штамдарына келетін болсақ, ол «Британдық штамм» айналымы үлгілердің 30% - ында, үнді штаммы республика аумағында белгіленбегенін айтты.

А.Цой қазіргі уақытта сырқаттанушылықтың төмендеуінің оң динамикасы және эпидемиологиялық жағдайдың біртіндеп тұрақтануы байқалатынын атап өтті. Сонымен, соңғы аптада КВИ анықталған жағдайлардың саны сәуір айының аяғында - мамыр айының басында апталық аурумен салыстырғанда 4 мыңға азайды. Жалпы, оның айтуынша, соңғы айда ауру 20%-ға төмендеген.