Педиатриялық бөлімшенің жұмыс уақыты:

• Жұмыс күндері күн сайын: 08:00 – 18:00

• Сенбі күні: 09:00 – 14:00 (қабылдауды кезекші педиатр жүргізеді).

Бөлім меңгерушісі:
Еликеева Асия Абылкасымовна – жоғары санатты дәрігер-педиатр.

Аға мейірбике:
Акылбаева Галия Едигеновна – жоғары санатты мейірбике.

Мақсат

Бастапқы медициналық-санитарлық көмек жағдайында инновациялық және диагностикалық технологияларды қолдана отырып, тіркелген халыққа қолжетімді әрі сапалы медициналық көмек көрсету.

Негізгі міндеттер

• Халыққа амбулаториялық көпсалалы көмек көрсету (құзырет сипаттамасы мен алынған сертификатқа сәйкес);

• Сәбилер өлімін азайту;

• Халық арасында аурулардың алдын алу және салауатты өмір салтын қалыптастыру жөнінде түсіндіру жұмыстарын жүргізу, денсаулық мектептерін ұйымдастыру, санитариялық-ағарту жұмыстарын жүргізу.

Негізгі функциялар

• Аурулардың жасырын түрлерін ерте анықтау;

• Пациенттердің денсаулығына динамикалық бақылау жасап, қажетті емдік-сауықтыру шараларын жүргізу;

• Жұқпалы аурулар ошағында санитариялық-эпидемияға қарсы (алдын алу) іс-шараларды жүргізу;

• Мүгедектерге медициналық-әлеуметтік көмек ұйымдастыру және оңалту шараларын жүзеге асыру;

• Иммунопрофилактиканы ұйымдастыру және жүргізу;

• Алдын алу және скринингтік бағдарламалардың орындалуын қамтамасыз ету;

• Тіркелген халыққа психологиялық көмек пен арнайы әлеуметтік қызметтер көрсету.

Қызмет ауқымы

Учаскелік-педиатриялық қызмет Костанай қаласының РПН-ге тіркелген балаларға (12 389 бала) бастапқы медициналық-санитарлық көмек көрсетеді.
Медицина қызметкерлері педиатриялық қабылдау, профилактикалық тексерулер, жас ерекшеліктеріне байланысты ұйымдастырылмаған балаларды скринингтік тексерулер жүргізеді. Бұл тексерулердің мақсаты – аурулардың алдын алу, ерте анықтау және болдырмау, сондай-ақ әртүрлі жас кезеңдерінде, оның ішінде жасөспірімдік шақта, анатомо-физиологиялық ерекшеліктерге байланысты дамитын аурулардың алдын алу.

Бөлімшеде:

• Вена ішілік және бұлшықет ішілік емдік манипуляциялар,

• Қан талдауларын алу,

• Балаларға профилактикалық екпелер,

• Массаж және физиотерапия жүргізіледі.

Маңызды бағыттардың бірі – отбасын жаңа туған нәрестеге дайындау. Осы мақсатта бөлімшеде «Баланың даму кабинеті» ашылған, онда:

• «Жас ана мектебі» жұмыс істейді,

• Балалардың есту және көру патологиясын анықтауға арналған скрининг жүргізіледі,

• Емшекпен емізу ережелерін үйрету,

• Жас ата-аналарды 5 жасқа дейінгі балалардың ауруларын біріктіріп жүргізу әдістемесі бойынша оқыту жүзеге асырылады.

Бөлімшеде балалар психологы, логопед және әлеуметтік қызметкер жұмыс істейді.